Lunes, 06 de Julio de 2009

Efeméride 1872: Aniceto Rojas es nombrado Tesorero General de la Nación, en reemplazo de Francisco Soteras.

+ Ver Más
PESO ARG.

Compra:G. 1.250 /Venta:G. 1.310

+ Más cotizaciones
Temperatura Actual:

30°C

(Sensación térmica 30)
Despejado.
Humedad: 35%.

+ Más información

Mburuvichákue brasileño ho'ava'ekue Joao "Jango" Goulart (1961-1964) , omanóva Argentina-pe ary 1976 jave, omoañete ojejukahágue ha ojerúre justicia-pe tomyesakã pe oikóva, oñepresentávo Montevideo-pe peteî documental ko'ã mba'e rehe.
(Lea en Español)

Chokokue oñembyaty polideportivo Oviedo-pe

Chokokue ojehapejokóva Policía rupive oñembyaty polideportivo Coronel Oviedo-pe. Tendota omoherakuã oútaha ha nomboykéi tape ñemboty. Uniformado oime hikuái upe tapépe ani haguã oî bloqueo.
(Lea en EspañoL)

Oñemoñe'ê hikuái comuna-pe omboty haguã umi tenda gente oñembyatýha ha oñembotývape

Kuñakarai intendenta Paraguaýgua, Evangelista Troche de Gallegos, oikuaauka mburuvichakuéra Ministerio de Salud Pública-gua omoñe'êva osuspende haguã umi evento ha tembiapo umi tenda oñesãmbyhýva Comuna rupive. Kóva disposición, he'iháicha, ohekáva gripe.
(Lea en Español)

Péicha 30% a 40% personal salud hasy

Omyakãva Vigilancia Sanitaria Ministerio de Salud-gua, Dr. Iván Allende, omoañete 30% a 40% personal salud oime afectado mba'asy respiratoria rehe, ombyaíva salud cobertura.
(Lea en EspañoL)

Cirugía IPS-pe ojejoko

Umi cirugía programada oñesuspende mokõi arapokõindy tasyo central Instituto de Previsión Social (IPS)-pe. Péicha entidad omoherakuã oñangarekóvo umi tapicha hasýva ha orekóva síntoma gripe. Mburuvichakuéra entidad ojerúre comprensión asegurado-kuérape.
(Lea en Español)

Indígena oipota ombohovái mburuvicha Lugo chupekuéra

Nativo omoirûva plaza Uruguaya omoherakuã omomýivo Paraguaýpe presidente Fernando Lugo ndoiporavóivo pe omyengoviáva'erã presidente interino Instituto del Indígena (Indi), Hugo Medina-pe. Ko aty omoirû candidatura José Cardozo-pe, he'iva ko'êrõ oñomongetátaha hendive mburuvicha guasu.

Lacognata odefende oiporúvo aviõ venezolano Lugo jehópe

Canciller nacional Héctor Lacognata odefende aviõ ome'êva presidente venezolano Hugo Chávez ikatu haguã umi mandatario oguahê oipytyvõvo depuesto presidente Honduras, Manuel Zelaya. Oiporu aviõ umi Argentina, Ecuador ha venezolano, he'i Lacognata.
(Lea en Español)

Kuehe omano mokõiha tapicha

Omano kuehe upe mitãkuña'i, oguereko va'ekue 8 ary, upe gripe H1-gui, ohasa rire pokõi ára terapia intensiva-pe. Umi pohãnohára kuéra omombe'u oîveha mbohapy tapicha hasyetéva hína ha oguerekóva afección pulmonar avei. Upe mba'evaiete omomýi upe gabinete presidencial-pe ha ojejapo peteî aty Federico Francio ndive ojehecha haguã ikatúpa ojejapo peteî ley de emergencia, ha upéicha ikatu haguã Salud Pública oguerekove recurso ha viru.

Oiko jejuka ha ñorairõ Zelaya jejujeýre

hetaiterei tapicha oîva mburuvicha Mel Zelaya ndive oho aeropuerto oîva Tegucigalpa-pe ohe'arõ haguã chupe, ha upe iñeguãhê ndaikatúi oiko ojokógui upe gobierno de facto oîva hína ko'ágã upe tetãme. Upépe ioiko hetaiterei ñorairõ umi guardia de seguridad pegua ndive ha opa peteî jejuka ha hetaiterei ñembyepotípe.

Brasil ojukaitéta hína comercio amo Este-pe

Kuehe guive ningo mba'eveichagua mercadería ndaikatuvéi ogueraha umi sacoleiro kuéra Ciudad del Estegui Brasil peve, umi militar kuéra ningo ojoko paite chupe kuéra ohasávo puente ha oipe'apa chugui kuéra umi mercadería.

Juan Núñez, Asociación Rural del Paraguay pegua

Hetaiterei tapicha oîva sapy'a ko Gobierno pyahúpe, ha nomba'apóivakue hekovépe, ko'ágã he'ise mba'éichapa oñemba'apo va'erã, ha upéa ndaiporãi, ndoikuaáigui niha'ekuéra mba'éichapa oñeñoty téra ojecosecha va'erã mba'eve, he'i Núñez oñe'êvo Expo jave.

Mokõi institución itujupaitéva ko'ágã

Hetáma ningo ojehai mbaéichapa oñembyai umi mokõi institución, oiméne va'ekue ojejapo opa py'a porãme ha ojapo haguã heta mba'e porã, ha katu ko'ágã guãrã ndojapovéiva mba'eve iporãva, ha katu ituju paite upe hyepýpe. Ñañe'ê hína Consejio de la Magistratura ha Jurado de Enjuiciamiento de Magistrados rehe. Ára ohasávape ningo oñemomombyryve upe ma'erãpa ojejapo va'ekue.

Mokõi institución itujupaitéva ko'ágã

Umi político, aty partidario, ha avei umi aty'i mafia rehegua kuéra pegua ningo oipuru Consejo ha Jurado ijyva pukúicha, ikatu haguã ojapo heta mba'e ndojejapói va'erã. Upéicha ojepuru oñemoî téra ojeipe'a haguã tapichape umi puesto judicial-gui, avei ome'ê cargo umi fiscal kuérape térã katu ojehechakuaa upe cuoteo político oñemoí térã ojeipe'a haguã tapichápe hembiapo rendágui. Avei ojejapo ikatu haguã oñeguenohê cárcelgui upi "kapelúpe", térã oñemondo haguã upépe umi "enemigop político" pe. Upéicha ikatu ja'e umi ijintegrante ha ipaíno kuéra ha'eha upe justicia "jára", oguerekógui ipópe umi juez ha fiscal kuéra rembiapo.

Mba'asy gripe A H1N1 ojukáma mokõi tapicha ñane retãme

Aravo 8 mboyve, kuehe omano tasyo IPS-pe mita oguerekóva poapy ary oguerekóvaekue gripe A H1N1, ohasa rire pokõi ára upe Unidad de Terapia Intensiva kotýpe (UTI). Pohãnohára kuéra IPS pegua he'i oîha mbohapy tapicha hasyetéva hína upépe upe mba'asygui avei ha oguerekóva afección pulmonar.

Itaipú ndaje opagáta beca kuéra rehe universidad kuérape

Itaipú Binacional he'i opagátaha ára oúvape umi univedrsidad kuérape beca kuéra rehe. Upéicha he'i Itaipú omyakãva, Carlos Mateo Balmelli. He'i avei ndojepagaigha hína ojeja´pógui mba'apo ohjehecha porã haguã mba'e mba'épa umi ojejapóva, ani haguã ojejapo mba'e vai virúgui.

Mba'asy gripe ndojokói jeju upe Tres Fronteras-pe

Upe mba'asy H1 ndojokói tapicha kuéra ousévape táva kuéra Foz de Yguazú ha Puerto Yguazú-pe; he'i umi agencia de viajes oguerekóva. Upéicharamo jepe, umi tapicha ohepyme'êva upepe he'i sa'ieterei ojejuham ka katu voi Ciudad del Este gotyo ndouietevoi avave.

Ko'ágã ramo Gobierno ohekáta viru orairõ haguã gripe A H1N1

Kuehe ombombarete sapy'a ñande Gobierno upe decreto presidencial amo 4 de mayo guare, odeclarába estado de emergencia sanitaria ñane retãme, ha upéicha oñeha'ã ome'ê tekoguapy opavave oikóva ñane retãme upe mba'asy vai hérava gripe A H1N1 rovái. Federico Franco he'i Congreso ojapótaha ley pyahu ojeheka haguã viru ojejogua haguã hetave pohã.

Lugo-pe ndaje omopy'a angata va'erã ñane retã ha ndaha'éi Honduras-pe oikóva

Oî heta tapicha ikatúva oipytyvõ Honduras-pe. Ha tendota Lugo omba'apove va'erã mo'ã ojuhu haguã solución upe problema sanitario oîva ñane retãme, ha ha'e katu oho mombyry, ha nopenái ñande rapicha kuéra apegua oikotevêva ko'ápe, he'i Lilian Samaniego.

Presidente omboyke ñane retã problema, he'i chokokue

Chokokue Belarmino Balbuena he'i presidente Lugo ohoha ambue tetãrehe oîjave mba'e vai ko'ápe, ha ha'ete vaivcha ku oñaníva umi problema oîvagui ñane retãme. he'i avei omotenonde va'erãha ñane retã ha ojuhu va'erãha solución, ha anígueteri oñani chogui kuéra. Upéicha avei, he'i oikóramo represión umi chokokuéra rehe, ikatu hína oiko avei enfrentamiento ha tuguy ñehê.

Fiorotto he'i Presidente oho rei hague EE.UU.-pe

Senador colo'o Orlando Fiorotto he'i kuehe upe viaje ojaó mva'ekue Fernando Lugo tetã Estados Unidos-pe ohecha haguã mba'épa oiko Honduras-pe ojapo reiete hague. je'i avei ohorangue ambue tetãme, opyta va'erã mo'ã ohecha mba'éichapa ikatu ojejoko mba'asy vai oîva ko'ápe, oî haguére hína peteî psicosis colectiva.

Te'ýi kuéra he'i oî va'erãha mburuvicha pyahu Indi-pe

Umi te'ýi myakãhára kuéra he'i Ejecutivo ombopaha va'erãra ko ára térã ko'êrõ upe oikóva hína Indi-pe, ha omoî va'erãha preseidente pyahu upépe. Ojerure hiku´´ai oñemosê haguã upe ko'ágã oîva upépe, Hugo Medina Huerta, ha oñemoî haguã hendaguépe José Cardozo-pe, oîva hína ko'ãgã jefe sección Transporte-pe, amo Ministerio de Educación y Cultura-pe.

PLRA oikuaauka osêtaha Alianzagui ha oñemongetase Lugo ndive

PLRA oikuaaukáta ko árape ambue mpartido kuéra oîva avei Alianza-pe osêtaha upégui. Upéicha avei, ojeruréta mburuvicha Fernando Lugo-pe peteî audiencia omoñepyru haguã peteî ñe'ê directoite Ejecutivo ndive.

Ojejuka peteî comerciante táva Caaguazú- pe, ha ndojekuaa porãi mba'éichapa

Peteî apañuãime ojejuka peteî mba'evendeha jára, oguerekóva upe inegocio tava'i Virgen de las Gracias, Caaguazú-pe. Upe mba'e vai oiko aravo las 08:15 jave. Aguîete upégui oî hína acampado umi Federación Nacional Campesina (FNC) pegua.

"Somos gay" ndaje ndaha'éi P-MAS pegua

Upe aty "Somos Gay" omyakãva, Simón Cazal, he'i ha'ekuéra ndaha'eiha Partido del Movimiento al Socialismo (P-MAS) pegua. Añete ningo upe P-MAS ha'eha ambue partido hetave mba'e ohechauka va'ekue mba'éichapa ikatu opa upe discriminación sexual, ha upévare ha'ekuéra ohoveha upégoyo, ha upéa nde'iséi ha'eha upe partido pegua, he'i Cazal.

ÑE'ÊNGA

Oñe'êmbarei, tembirekokuéicha.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	141.604	1.453.041
Ayer	91.271	1.011.119
Ultima actualizacion:
06/07/2009 00:00:00

Lunes, 06 de Julio de 2009

PESO ARG.

30°C

Artículos más leídos